Oficinas de Correos no Camiño de Santiago

 

CORREOS enche tamén de amarelo o Camiño de Santiago! Ao longo dos diferentes Camiños irás atopando as nosas oficinas postais onde poderás solucionar moitas das necesidades que che poden xurdir no teu camiñar, podes contratar o noso Paq Mochila, Paq Bici ou Paq Peregrino, enviar as túas postais e tamén selar a túa Credencial ou comprar a nosa credencial filatélica. Todos estes servizos xunto á Consigna atoparalos tamén en Santiago, na nosa Oficina Postal de Atención ao Peregrino na Rúa do Franco, a 2 minutos da Catedral.

 

 

                                       

 

 

   Temos máis de 2300 oficinas postais en toda España, 150 delas repartidas ao longo dos Camiños onde podes solucionar necesidades que che vaian xurdindo. En calquera localidade onde inicies o Camiño; Barcelona, San Sebastián, Oviedo, Sevilla… terás á túa disposición unha Oficina Postal.

 

  1. Se chegas a España en avión por Madrid, podes enviar a túa equipaxe á oficina de Santiago para recollela cando chegues ao finalizar o Camiño desde a oficina postal que temos no aeroporto de Baraxas. Pódela atopar na Terminal 1, no vestíbulo de Chegadas. 
                                                                Luns a venres de 08:30 a 14:30 e sábados de 09:30 a 13:00.​
  2.  Tamén temos unha oficina postal na estación de tren de Chamartín de Madrid. E varias oficinas de horario ininterrompido de 8:30 a 20:30 repartidas en varios puntos da cidade.
  3. Se comezas en Saint Jean Pied de Port ou en Roncesvalles, atoparás a nosa oficina en Burguete, a 2,5 km de Roncesvalles. Se a túa mochila pesa moito, desde aquí podes enviar de volta a casa todo o que che sobre e tamén podes pedir información sobre o noso transporte diario da túa equipaxe etapa a etapa.                                                                                                                                                                                                                                             1 de abril a 31 de outubro: luns a sábado de 8:30 a 9:30 e de 16:30 a 19:30.
    Resto do ano: Luns a venres de 8:30 a 9:30
                                                                                                                                                                                                             
  4. Para en León, na oficina que temos nos Xardíns de San Francisco, obra do famoso arquitecto Alejandro de la Sota. Alí atoparás unha tenda do peregrino con cousas útiles que che poidan facer falta.                                                                                                                                                                                         Luns a venres de 8:30 a 20:30 e sábados de 9:30 a 13:00.
  5. En Sarria a oficina postal permanece aberta todo o ano de luns a venres de 8.30 a 14:30 e os sábados de 9:30 a 13:00.
  6. Xa en Santiago de Compostela, temos dúas Oficinas Postais de Atención ao Peregrino. Unha situada na Rúa do Franco, 4, a 2 min da Catedral e a Praza do Obradoiro, con servizo de consigna para que deixes as túas cousas e poidas entrar á Catedral, xa que non admite entrada con vultos e a outra na propia Oficina do Peregrino, na Rúa Carretas. Desde estas dúas oficinas Correos ofrece todos os servizos para os peregrinos: envío de bici de volta a España e Europa, paquetes, selos, recordos… ou o transporte de equipaxes se queres facer o Camiño ata Fisterra.                                                                                  

    Oficina na Rúa do Franco:
    1 de abril a 31 de outubro: luns a sábados de 08:30 a 20:30, e domingos e festivos de 08:30 a 19:00.
    Resto do ano: luns a venres de 08:30 a 20:30 e sábados de 09:30 a 13:00.

    Oficina de R/ Carretas, na Oficina do Peregrino:
    1 de abril a 31 de outubro: luns a sábados de 8:30 a 20:30 e domingos e festivos de 8:30 a 14:00.                          

  7. Se segues o teu Camiño ata Fisterra a nosa oficina conta alí con servizo de consigna.                                                                                                                                                                                                                                                                                                                                                              

    Está aberta do 1 de xuño ao 30 de setembro: luns a venres de 8:30 a 18:00 e sábados de 9:30 a 13:00.

    Resto do ano: luns a venres de 8:30 a 14:30 e sábados de 9:30 a 13:00.

                                                                                                                      

 

 

Podes consultar AQUÍ a listaxe das nosas oficinas ao longo dos diferentes Camiños, co seu enderezo postal e o seu teléfono. En todas elas estaremos encantados de atenderte, axudarche e desexarche Bo Camiño!