Logo el camino con correos
Logo el camino con correos

          Zigilatu zure Egiaztagutuna Bidean dauden Correoseko Bulegoetan 


  Sar zaitez Donejakue Bidean aurkitzen duzun Correoseko edozein bulegotan, zure Egiaztagutuna sina dezagun. Bulego askotan zigilu-marka bereziak ditugu, Bideko leku enblematikoen irudiekin. Eta, gainera, filatelia zale bazara, zure Egiaztagutun Filatelikoa eskura dezakezu.


    Erromesaren Egiaztagutuna Bidea egiten duten erromesek daramaten pasaportea da, Donejakuera heltzean oinez 100 kilometro baino gehiago egin dituztela (200 kilometro bizikletaz bada) egiaztatzeko, eta horrela Compostela lortzeko.  

   Egiaztagutun Ofizial berak adierazten duen moduan, “laukitxoetan herri bakoitzeko zigilua agertu beharko da. Egun bakoitzean gutxienez bi, datarekin, igarotzea egiaztatzeko”. Hori Bidean aurkituko duzun Correoseko edozein bulegotan egin dezakezu. Horrez gain, horietako askotan, herriko leku edo gertakari garrantzitsu baten irudiarekin diseinatu ditugun zigilu-marka bereziak aurkituko dituzu.

 

 


  Eta filatelia zale bazara, edo, besterik gabe, zure Bidearen oroigarri berezia eraman nahi baduzu, gure Egiaztagutun Filatelikoa* eskura dezakezu Bide Frantsesean dauden Posta Bulego  hauetan eta Madrilgo Vía Dublíneko gure bulegoan. 

 

 

Correoseko 15 zigilu, guztiak ere erromesaren maskor sinbolikoarekin, biltzen dituen Egiaztagutun Filatelikoak Bide Frantsesaren 14 etapa enblematiko azpimarratzen ditu, Orreagatik hasita, IruñetikBurgosetik, LeondikAstorgatikPonferradatikO Cebreirotik… igaroz, Donejakuera heldu arte. Egiaztagutun hori ohiko egiaztagutuna bezala sina daiteke, aterpetxeetan, Bidearen Adiskideen Elkarteetan, parrokiatan… eta baita Bide Frantsesean dauden Posta Bulegoetan ere. Horrez gain, egiaztagutunean zigilua jartzeko aukeratu dugun herri bakoitzean, leku horien aberastasun arkitektoniko bikaina irudikatzen duten zigilu-marka turistikoak ditugu.

 

 

 

Zigilu-marka horietako lehenengoa eta egiaztagutuna, Auritzeko bulegoan aurkituko dituzu (Orreagatik 2,5 kilometrora, astelehenetik ostiralera goizeko 08:30etik 09:30era, eta apirilaren 1etik urriaren 31ra astelehenetik larunbatera 08:30etik 09:30era eta arratsaldeko 16:30etik 19:30era). Horrez gain, egiaztagutuna zigilu gehiagorekin osa dezakezu atzealdean.

 

Donejakuera heltzean hurbil zaitez Katedraletik 2 minutura dagoen Rúa do Franco 4 kaleko Bulegoko gure Kontsignara. Bertan bi koloreko zigilu-marka berezia jarri ahal izango duzu Donejakue Bideko zigiluaren ondoan, horrela zure “erromesaldi filatelikoa” egiaztatuz. 

 

* Agiri honek ez du ordezkatzen Compostela lortzeko Donejakueko Katedralak edo Bidearen Adiskideen Elkarteek emandako egiaztagutuna.  

 

 

 

          

 

                Egiaztagutunaren eta estutxearen prezioa: 15 € (BEZ barne)

             

 

 

 

 

 

 

Hemen galeria bat uzten dizugu, gure bulegoetan aurkitu ahal izango dituzun Bideko zigilu-marka turistiko garrantzitsuenekin:

 


En este vídeo puedes ver el Sellado de Credenciales y el resto de servicios que tenemos para los peregrinos que hacen el Camino de Santiago.